OHIKO GALDERAK

Fisioterapeuta garen aldetik, askotariko teknikak erabiltzen ditugu, eta, batez ere, oso eskuzko tratamenduan jartzen dugu arreta. Orduan esango nuke: eskuzko terapia, egiturazko osteopatia, faszial eta erraietakoa, garezurra, luzaketak, agente fisikoak batez ere.

Arrazoiak askotarikoak dira. Argitu nahi dugun lehenengo gauza da fisio-osteopatia gorputz osoko minetan zentratzen dela, ez soilik bizkarrean. “Noiz joan behar den” atala irakurtzea gomendatzen dizut. Erantzuna, nagusiki, “nahi denean; dena zure helburuaren arabera. Minen bat kendu nahi duzu, lehiaketa baterako prestatu ala etorkizuneko minak prebenitu?”

Oso zaila da osteopatia noraino irits daitekeen laburtzea edo mugatzea. Terapiarekin zenbat inplikatu nahi duzun eta terapeutaren diagnostiko- eta tratamendu-gaitasunak noraino iristen diren, horren araberakoa izango da dena. Fisio-osteopatiak gorputz osoa tratatzen du, artikulazio edo muskuluetatik hasi eta erraietako arazoetara arte.

Oso garrantzitsua iruditzen zait zure mina ulertzea. Zerbaitek min ematen dizula jakitea ez zait nahikoa iruditzen zure gorputzak nola jokatzen duen eta zeren eraginpean dagoen arrazoitzen eta aztertzen ez bada. Zorte handia dugu gure lana maite dugulako, eta horrek terapian erabat inplikatzea eragiten digu, oso giro hurbilarekin.

Jakina, ez da errealista esatea beti lortzen direla kasu guztiak konpontzea, baina esan diezazukedana da ez diogula konponbidea bilatzeko borrokari uzten; dela antzeko kasu eta minetan blaituz, dela analisi diagnostiko eta tekniko berrietan berrituz. Zorionez, fisioterapiak eta osteopatiak teknika asko eskaintzen dizkigute zuretzat egokienak direnak aukeratzeko. Horrekin batera, pilates terapeutikoa eta hipopresiboak ditugu, kasu batzuetan minaren aurkako aliatu handiak direnak.